Қазақстан Республикасының Конституция күні – Қазақстанда жыл сайын 30 тамызда атап өтілетін ресми мемлекеттік мерекелердің бірі. 1995 жылғы 30 тамызда жалпыұлттық референдум өтіп, онда Қазақстан халқы жаңа Конституцияның жобасын мақұлдады. Бұл Қазақстанның тәуелсіз мемлекет құру жолындағы шешуші сәттердің бірі болды.
Бүгін барша қазақстандықтар үшін қуанышты күн — Конституция күні. Бұл күні еліміздің азаматтары бүкілхалықтық референдумда мемлекеттің өмірін, оның құрылымын анықтайтын принциптерді бекітті. Бұл күн барлығымыз үшін мереке, өйткені біз, әрқайсымыз — мемлекеттегі басты күш. Баршаңызды ҚР Конституциясы күнімен құттықтаймыз және әрбір отбасына және әрбір үйге Гүлдену, бейбітшілік пен береке, қуаныш пен амандық тілейміз!
