Нұр-Сұлтан қаласында, Қабанбай батыр даңғылында бөлінген қоғамдық көлік жолақтарымен автокөліктерге жүруге рұқсат етілді, деп хабарлайды қалалық полиция департаментінің баспасөз қызметі.
Автобус жолағымен жүруге шектеу Қабанбай батыр даңғылы бойынша Керей, Жәнібек хандар көшесінен "Қарқаралы" айналма айырымына дейін 9 қыркүйекте сағат 21.00-ден алынып тасталды.
"Сергек" жүйелері бөлінген жолақтар бойынша қозғалыстың бұзылуын уақытша тіркемейді.
Қоғамдық көлікке арналған жолақпен жүруге жөндеу жұмыстары аяқталып, Тұран даңғылында қозғалыс ашылғанға дейін ғана болады.
Жөндеу жұмыстарын 10 қыркүйек пен 10 қазан аралығында жүргізу жоспарлануда.
