ШЖҚ «МТҚБ Автошаруашылығы» РМК (бұдан әрі – Кәсіпорын) ұжымында сыбайлас жемқорлыққа қарсы іс-қимыл саласындағы халықаралық сарапшылармен кездесу өтті.
«Сыбайлас жемқорлыққа қарсы ISO 37001. Парақорлыққа қарсы басқару жүйесі». Ашықтық пен сенім» тақырыбында өткен практикалық дәріс-семинарға тек Кәсіпорын басшылары мен қызметкерлері ғана емес, сонымен қатар МТҚБ ведомстволық қарасты ұйымдардың өкілдері де қатысты.
ISO стандарттары бойынша CERT Academy жетекші оқытушысы CERT International сертификаттау органы Словакия (Братислава) сеньор-аудиторы әрі басшысы Ильдар Инелеев және ISO 37001 (PECB, Канада) стандарты бойынша сертификатталған жетекші аудитор, енгізу жөніндегі сеньор-маман Қазбек Шәкішев шетелдік кәсіпорындарда қолданылып жатқан сыбайлас жемқорлыққа қарсы іс-қимыл жүйелерімен таныстырып, ISO 37001 парақорлыққа қарсы басқару жүйесін енгізу бойынша әлемдік үздік тәжірибелер туралы баяндап, жұмыс істеу ерекшеліктері бойынша қатысушылардың сұрақтарына жауап берді. Соңында қатысушыларға семинардан өткені туралы сертификаттар табысталды.
Кездесу Кәсіпорынның сыбайлас жемқорлыққа қарсы іс-шаралар жоспары аясында өтті.
