ШЖҚ «МТҚБ автошаруашылығы» РМК (бұдан әрі – Кәсіпорын) ұжымында 2025 жылғы 04 шілде күні Астана қаласының құқық қорғау органдарының қызметкерлерімен экстремизм мен терроризмнің алдын алу мәселелері бойынша кездесу өтті.
«Экстремизм мен терроризмнің алдын алу шаралары. Қолдан жасалған жарылғыш құрылғыларды (ҚЖЖҚ) анықтаудағы алғашқы әрекеттер» тәжірибелік лекция-семинарының қатысушылары Кәсіпорын басшылары мен қызметкерлері болды.
Іс-шараның мақсаты Кәсіпорын қызметкерлерінің экстремистік сипаттағы ықтимал қауіптер туралы хабардар болу деңгейін арттыру, төтенше жағдайларда әрекет етудің тұрақты дағдыларын қалыптастыру, сондай-ақ корпоративтік қауіпсіздік мәдениетін дамыту болды.
Семинар барысында Астана қаласы ПД ТҚБ инспекторы құқық қорғау органдарының өкілдері: полиция майоры – Е. Батталов, полиция капитаны – А. Қадырбекұлы; Астана қаласы ПД ЭҚІБ жедел уәкілдері: полиция капитаны – Ғ. Тілеужан, полицияның аға лейтенанты – А. Амантай қызметкерлерді радикалданудың және экстремистік қызметтің негізгі белгілерімен, ҚЖЖҚ -ға ұқсас күдікті заттарды анықтаған кездегі іс-қимыл алгоритмімен, арнайы қызметкер келгенге дейінгі мінез-құлық ережелерімен, ықтимал қауіптердің салдарын барынша азайту шараларымен таныстырды. Ұжым мен шұғыл қызметтер арасындағы жедел және үйлестірілген өзара іс-қимылдың маңыздылығына ерекше назар аударылды. Материал қол жетімді түрде ұсынылды, практикалық мысалдар, нақты сценарийлер мен бейнематериалдар келтірілді, бұл жұмысшыларға қарастырылып отырған тақырыптың маңыздылығын тереңірек түсінуге мүмкіндік берді. Іс-шара аяқталғаннан кейін қызметкерлерге қауіп төнген жағдайда іс-қимылдардың қадамдық нұсқаулықтарын қамтитын әдістемелік ұсынымдары бар жадынама ұсынылды.
Кәсіпорын басшылығы құқық қорғау органдарының өкілдеріне экстремизм мен терроризмге қарсы іс-қимыл жөніндегі өзекті мәселені жоғары деңгейде ұйымдастырып, жеткізгені үшін, сондай-ақ қатысып отырған барлық қызметкерлерге қоғамдық және жеке қауіпсіздікті қамтамасыз ету мәселелеріне көрсеткен бастамасы мен қызығушылығы үшін ерекше алғыс білдірді.
Мұндай іс-шаралар қауіпсіздік мәселелерінде бірыңғай стратегияны қалыптастыруға ықпал етеді, сондай-ақ әрбір қызметкердің жеке және ұжымдық жауапкершілік сезімін нығайтады.
