Ағымдағы жылдың шуақты сәуір айында біздің Кәсіпорын ұжымы Ұлыстың ұлы күні – Наурыз мейрамын ерекше сән-салтанатпен және кең көлемде атап өтті. Бұл мерекелік іс-шара тек жыл басын қарсы алу ғана емес, сонымен қатар көнеден келе жатқан ұлттық салт-дәстүрлерімізді жаңғыртуға, әріптестер арасындағы сыйластықты арттырып, корпоративтік бірлікті нығайтуға бағытталған маңызды қадам болды.
Мерекенің шырайын келтірген негізгі бөлім ұлттық ойындар алаңында жалғасты. Қызметкерлер күнделікті жұмыс қарбаласынан бір сәт серпіліп, асық ату, арқан тартыс, қол күрес, гир көтеру және садақ ату сияқты спорттық сайыстарда өзара мықтыны анықтады. Сайыс барысында қатысушылар жоғары белсенділік пен жеңіске деген құлшыныс танытып, нағыз спорттық рухты көрсетті. Әр ойынның қорытындысы бойынша жеңімпаздар анықталып, оларға арнайы дайындалған естелік марапаттар табыс етілді.
Мерекелік думанның ажырамас бөлігі ретінде кең дастархан жайылып, ұлттық асхананың ең үздік тағамдары ұсынылды. Жиналған қауым қазақтың қонақжайлылық дәстүрімен ыстық бауырсақ пен береке бастауы – наурыз көжеден дәм татты. Мерекелік дастархан басындағы әңгімелер мен жылы лебіздер ұжым ішіндегі достық ахуалды одан ары тереңдете түсті. Бұл думанды кеш қатысушылардың есінде ерекше әсермен қалып, ұлттық құндылықтарды құрметтеу мен оны болашаққа жеткізудің қаншалықты маңызды екенін тағы бір мәрте дәлелдеді.
